Landsvirkjun leggur ríka áherslu á að lágmarka ávallt það rask sem starfsemin hefur í för með sér, að viðhalda náttúrulegum fjölbreytileika og að færa röskuð svæði eins og unnt er til fyrra horfs. Þá leggur fyrirtækið sérstaka áherslu á að skapa heildarjafnvægi milli útlits mannvirkja, landmótunar og náttúrlegs landslags. Lögð er áhersla á að ásýnd og aðrir umhverfisþættir séu metnir strax á undirbúningsstigi virkjunarkosta, m.a. með víðtækum rannsóknum á umhverfinu og með því að skilgreina meginlínur Landsvirkjunar í hönnun og heildaryfirbragði mannvirkja. Mikill fjöldi skýrslna er gefinn út árlega þar sem niðurstöður rannsókna á náttúru og lífríki við orkuvinnslusvæði Landsvirkjunar eru kynntar. Skýrslurnar eru allar aðgengilegar á vef fyrirtækisins.